چكن كاتسو كاري – كوبين عيش مصري و كوبين ماي على النار لما يغلي نقصر و نوطي النار ونغطي الجدر عشر دقايق نصك النار و عشر دقايق ثانية بدون نار بعدين فوقه م ط سكر و ٤ م ط خل الرز و ملح .
الصلصة احمس بصل وثوم فوقهم تفاحة حمرا و جزر و فوقهم ٢ م ط كاري بودر و ٤ م ط طحين ابيض و لتر مرق دجاج او خضار او ماي حار . المتوفر عندكم . وورقة غار اغطيه على نار هادية لمدة ربع ساعة تقريبا تالي اشيل الغار و افرم و اضيف م ط صويا و م ط عسل و م ش جرام مسالا وتكون الصلصة جاهزة .
الدياي مشوي مع بهارات فيها زنجبيل عشان يكون طعم اسيوي شوي .
المفروض مقلي مع بقسماط بس عشان يكون صحي شويته
بالنهاية كلهم بصحن واحد لكن وزنت العيش ١٥٠ جرام و الدياي ٢٠٠ جرام والصلصة لما احس انه كفاية لي و مافيها اي دهن غير النتفة الي حمست عليها البصل بالبداية
زينته بالفلفل والبصل والسمسم و جداً جداً لذييذ ✅✅✅
