الوصفة هذي لها مسميات كثير
نَدِي ، معرّق ، مختوم
واحيانا تختلف الطريقة شوية من بيت لبيت ناس تكشنلها بصل وثوم وناس بدون كشنة
المقادير
- ١ كيلو دجاج
- ٣ ملاعق كبيرة زيت
- عود كبير قرفة او عودين صغار
- ٥ فصوص صغيرة جدا مستكة او فصين كبار
- ١٠ حبات هيل
- ٥ اكواب عصير طماطم
- ١ ملعقة كبيرة ملح
- ١/٢ ملعقة صغيرة فلفل اسود
(( انا استخدمت طماطم معلبة وخلطتها بالخلاط مايحتاج اضيف معاها معجون طماطم))
اذا حتستخدمي طماطم طازجة يفضل تضيفي معاها ملعقتين معجون طماطم تعطي الطماطم لون افضل.
طريقة التحضير
في قدر على النار نضيف الزيت والبهارات الصحيحة والدجاج ونغطي القدر ونخلي الدجاج يتقلقل مع الزيت والبهارات ١٠ دقايق على نار متوسطة او الين يتغير لون الدجاج للون الابيض.
بعدين نعلي النار ونضيف عصير الطماطم والملح والفلفل الاسود وبعد مايغلي نهدي النار على الوسط للهادية ونغطي القدر ونخليه الين يستوي الدجاج تقريبا من ٣٥ الى ٤٠ دقيقة.
حسب الرغبة ممكن نقدم الدجاج بدون تحمير او نشيله من الصلصة ونحمرة في الفرن.
#صباح_الخير #عرب_فوتو #instagood #فطور #طبخات #تصويري #مطبخ #love #food #جدة #مكة #المدينة #رمضان #الرياض #الدمام #وصفات #دبي #instafood #وصفات_سهلة #وصفات #اكسبلور #foodblog #chefs #foodpassion #foodinstagram #لذيذ #breakfast #egg #traveling
