مچبوس دجاج

للمزيد من الوصفات المتنوعه واللذيذه🤤!
@hendabuhaimed
@hendabuhaimed
ـــــــــــــــــ
مچبوس دجاج 🍛
نزلته لكم الحين عشان تسوونه غدا جمعه 🤤
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
دجاجه كامله حشيناها ( بصل مفروم ناعم + فلفل حار + ثوم + بهارات مشكله + ملح + فلفل اسود + م ك زيت ) ثم نسكرها بالطريقه اللي حابينها احنا سكرناها ب خيط وابرا 👍🏻
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
في قدر عميق٢ م ك سمن ( بهارات عدله : ورق غار + حبات هيل + حبوب الكزبره + حبوب فلفل اسود + فلفل حار حبتين + ٢ عود دارسين )
ثم نحط كميه راهيه من البصل ونحمسهم كويس سوا
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
ثم نحط الدجاجه واحنا سبق عندنا نص من اول ف حطيناه معها ونخليهم شوي يتحمرون ثم نضيف بهارات مشكله لكن بدون كركم نبي يصير لون الرز ابيض مثل ماهو معروف + ملح
ثم نضيف مويا مغليه الى ماتغطي الدجاج كامل ونخليه يطبخ ٤٥ دقيقه
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
ثم نشيل الدجاجه ونصفي المرقه ونكب الرز ( الرز الي استخدمته بنجابي المهيدب ) مغسول ومنقوع ب مويا عاديه ونخليه يطبخ الى ماينشف مويته.
ثم بعد ماينشف نضيف الكشنه على جنب ثم نصب منقوع الزعفران مع موية ورد على جنب🤤
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الدجاجه خذيت شوي من مرقة الدجاج واضفت فيها صبغة الزعفران ومسحت فيها الدجاجه وقليناها يتحمرون من كل الجهات🤤
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الحشو الكويتي ( الكشنه ):
كميه بصل كبيره بدون زيت بدون اي شيء نحمسه على نار عاليه لما يبدا يتكرمل نضيف له كل شوي مويا الى مايصير لونه بني
ثم نضيف نخي مجروش ( حمص ) سبق وسلقته نص ساعه
وثم بهارات مشكله + ملح + فلفل اسود + م ك سمن + ليمون اسود مطحون
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
وبالعافيه عليكم قدمناه مع دقوس 🤤
بنزل لكم وصفة الدقوس بكرا🤤 ويوم جميل لكم يارب❤️