وصفتنا اليوم الهبه الجديده 😂♥️
ميني كوكيز رد ڤلڤت سيريال مررره لذيييذ والاولاد حبوووه جدددداً وكمان سهل ومايتعب زي باقي السيريال الوقت كله على بعضه نص ساعه جربوه وقولو لي رايكم 😍♥️
المقادير
- كوبين دقيق
- كوب الا ربع سكر
- نص كوب زيت
- حبيتن بيض
- ملعقه صغيره فانيليا
- ملعقه صغيره بكنج باودر
- ملعقه صغيره كاكاو مر
- ملعقه كبيره ملون طعام احمر
- نص كوب شوكولاته حبيبات او قطع
- رشة ملح
طريقة التحضير
في زبديه نحط البيض والسكر والزيت ونخلط وبعدين نضيف البكنج باودر والفانيليا والكاكاو ورشة ملح ونخلط
وبعدها نضيف الدقيق ونعجن واخر شي ملون الطعام والشوكولاته ونعجن كويس ونشكلها كرات صغيييره جداً حجم كل وحده سانتي او اكبر على حسب اختياركم
ونرصه بالصينيه وندخله الفرن يكون شغال من قبل ب ١٠ دقايق على درجة حراره ١٨٠ من تحت فقط لمده ١٠ الى ١٢ دقيقه ونطلعه ونسيبه يبرد تمااااماً ونقدمه مع حليب وبالعاااااافيه ♥️♥️
