هالوصفه تهبّل بشكل فجأه اشتهيتها وأبي أسوّيها قلت أنزلها لكم للي ودّها تجربها 😍👍🏻
.
.
( ميني فطيرة التفآح 🍎 ) سهله ولذذذيذه جرّبوها بتحبّونها 😍👌🏻
قبل ماتصلحونها عشان تضمنون نجاحها ميه بالميه يكون الكوب معياري .
.
المقادير
العجينه
- كوبين طحين أبيض متعدد الاستعمالات الكوب الواحد = ٢٥٠ مل
- اصبع ونصف زبدة = ١٥٠ جرام ( بحرارة المطبخ )
- ٤ حبات جبن كيري ( بحرارة المطبخ )
- م ص بيكنج بودر
- ٥ م ص سكر أبيض
- نصف م ص فانيلا سائله
الحشوة
- صف اصبع زبده
- ٤تفاحات حمراء مقشّره ونبشرها ناعم مع إضافة شوي من عصير الليمون عليها
- ملعقتين كبيره سكر
- ملعقة كبيره قرفه مطحونه ناعم
طريقة التحضير
١- أول شيء نصلّح الحشوه : نذوب نصف اصبع زبده ع النار وبعدين نضيف التفاح ونضيف السكر والقرفه ونجلس نحرّكها لين تبدأ تنشف موية التفاح وبعدين نحطها بالمصفاة ونخليها على جمب تبرد وتنزل كل المويه الموجوده بالحشوه .
٢- مكونات العجينه نحطها كلها مع بعض ونعجنهم لين تصير عندنا عجينه ناعمه ملساء وملمومه وبعدين نكورها كور صغيره ونجيب أي قالب نلبّسه بالنايلون عشان يسهل علينا نطلعه من القالب نضغط ع الكوره بالنص نسوي زي الحفره ونحط الحشوه بالنص ونخلّي الحواف من العجينه يكون فيها زوائد عشان نقفّل ع الحشوه .
٣- وبعد التشكيل نصفّها بالصينيه وندخلها الفرن من تحت على درجة حراره ٣٥٠ فهرنهايت تاخذ من ربع إلى ثلث ساعه أفضل ما تتحمر بزياده يعني يكون تحميرها خفيف ونخليها تبرد وعند التقديم نرش عليها سكر بودره .
.
.
وصحه وعافيه على قلوبكم يارب ♥️✨
.
