| ميني تارت البيكان السهل واللذيذ
المقادير
•• مقادير العجينة :
- صفار بيضة
- م ص فانيلا سائلة
- اصبع زبدة 100 جرام باردة مقطعة مكعبات
- نص كوب سكر بني ناعم “رطب”
- 1 كوب كامل طحين أبيض متعدد الاستعمالات
- ربع م ص ملح
- نص م ص بيكنج بودر
- ربع م ص بيكنج صودا .
•• مقادير الحشوة :
- 1 كوب كامل جوز البيكان مجروش
- نص كوب سكر بني
- ربع كوب كريمة خفق بدون ماتخفقونها على طول أضيفوها وشوي من الفانيلا السائلة يعني مقدارملعقة صغيرة ..
نخلطهم مع بعض بالملعقه
لين يتجانسون وخلاص جهزت 👌🏻
طريقة التحضير
بالنسبة لمقادير العجينه كلها مع بعض بمحضرة الطعام ونشغل ونطفّي لين تتكون العجين رمليه إذا اخذتيها بيدك تصير زي العجينه بس لا تخلطون الخليط كثير ..
نكور كور صغيره بصينية الميني كب كيك بعدين نضغط من النص يعني نرتبها بحيث يصير فيه مجال للحشوة ،
ثم نبدأ نضيف شوي من الحشوة بالوسط ..
وندخلهم لفرن مسبق التسخين مشغل من تحت على درجة 180ْ تاخذ 13-15 دقيقة و تصير جاهزة ..
•• عند التقديم : رشّة بسيطة من السكر البودرة ✨
