مولتن كيك

مولتن كيك ، فوندان ، لافا كيك بالنوتيلا اختلفت الأسماء وكلهم واحد 😴👌🏻

. *الأكواب المعيآرية :
3 بيضات + ملعقتين صغيره فانيلا سائلة
+ نص اصبع زبده ذايبه نخلطهم مع بعض بالسلك اليدوي بعدين نضيف كوب سكر بودرة + ثلث كوب طحين مع رشة ملح ..
وآخر شيء نضيف كوب كامل من النوتيلا ونستمر بالخلط لين تمتزج المكونات مع بعض
وبعدين نعبيه بكيس التزيين أسهل بالتوزيع .. الحين نجيب كاسات أو قوالب أو أي شيء يدخل الفرن وتحبون تقدّمونه فيه وتعبّونه لين ثلاث أرباع القالب بعدين إذا تحبون تضيفون شوي كاراميل بالقمع تدخلونه بالنص جوا الخليط وبعدين على فرن مسبق التسخين مشغل من تحت درجة الحراره 350 فهرنهايت بالرف الوسط ياخذ وقت 10 دقايق إلى ربع ساعه بالكثير .. و حلاته طبعاً يتقدم دآفي مع رشة بسيطه من سكر البودرة ع الوجه واستمتعو 😴 عليكم بالعافيه ♥️

المولتن يختلف عن السوفليه .
السوفليه : من مكوناته المرانج “بياض البيض”، ويكون مُستوي من الداخل لكن ليس مثل استواء الكيك،
قوامه من داخل يكون بين الجاف والسائل تقريباً، وأيضاً يرتفع بشكل كبير وهو داخل الفرن،
وممكن ينعمل حلو بنكهة الشكولاته، الفانيلا، القهوة، نكهات الفواكة أو مالح بنوع من أنواع الجبن وغيره
 يعني الخيارات كثيرة، طريقته صعبة وتحتاج دقة.
المولتن كيك: لايحتوي على المرانج وهو عبارة عن كيك تستوي الأطراف ومن داخل تكون سائلة،
لأن كمية الزبدة تساوي الشكولاتة هذه من الأسباب اللي تخليها سائلة.