لذيذة وانيقة بالتقديم وخفيفه جداااا
المقادير
- لتر حليب
- سكر ستيفيا حسب الرغبة (انتو تقررو حلاوته)
- ٣ارباع كوب طحين
- ممكن اضافة ملعقه نشا اضافية
- ملعقه كبيرة مليانه زبدة
- ملعقه كبيرة مليانه دبس مستكه اللايت
طريقة التحضير
نذوب الحليب والسكر والطحين والنشا تمااام
نحطهم عالنار تحريك مستمر لما يثقل بس مايكون جااااامد
ملحوظه مهمه: النار تكون وسط .. راح ياخذ وقت طويل بس لازم علشان الطحين يندمج ويستوي ومايبين طعمه بالمهلبية .. لو خليتوه نار عالية بيثقل بس الطحين مايستوي عدل
المهم بس يثقل .. نطفي النار
ونضيف الزبدة ودبس المستكه ونحرك بسرعه ونصبهم باكواب مدهونه نتفة زيت ونخليهم يبردو عالطاوله بعدين ندخلهم ثلاجه
بس يجمدو تمام .. نقلبهم على اطباق التقديم تكون مرشوشة جوز هند ونغلف كرات المهلبية بجوز الهند .. ونقدمهم
ممكن نخلي على جنب عند التقديم .. شوي دبس المستكه اللي يحب يزود براحته
علما ان دبس المستكه (اللايت) يعتبر فيجن وجلوتين فري و بدون سكر مضاف والحلاوة فيه من سكر التفاح الطبيعي
