منسف دجاج لبناني

.
.
. . منسف دجاج لبناني .
منقول عن هالاكله منسف مش المنسف الاردني طبعا 🌹
.هيدا المنسف الاردني 👈🏻#منسف_فاطمه_كتشن
فيكن تعملو برز انكل بنز الامريكي
او رز بسمتي او مصري
نوعية الرز حسب ذوقكم .
سلقت الدجاج ١٠ دقايق غيرت المي و غسلت الدجاج من الزفره يلي طلعت و حطيت المطيبات : ورق غار – بصل – عرد قرفه – زنجبيل – هيل حب – هيل مطحون وضفت مي سخنه جديده وعنار هاديه الملح قبل ما طفي النار ب ١٠ دقايق .
قليت اللوز و الكاجو و الزيت يلي قليت في حطيتو بطنجره و ضفت لحم مفروم غنم فيكن عجل حسب الرغبه
بس ستوت اللحمه ضفت ملعقة صغيره قرفه ونص ملعقة صغيره فلفل اسود و ضفت الرز المنقوع ساعه و قليت الرز ٣ دقايق مع اللحمه وضفت مرق الدجاج .
مندوق الملح بهالوقت اذا بعد بدن منضيف .
بترك الرز يغلي عنار قويه لتنشف ميتو من فوق بغطي بقطعة قصدير وعنار جدا هاديه منسوب المي فوق الرز لعند اول عقدة اصبع .
سلقت البازيلا المثلجه و بعدين قليتا بشوية زبده .
الدجاج شلت منو العضم و مقلاي حطيت شوية زبده وقلبت الدجاج مع رشه خفيفه قرفه وفلفل اسود .
سكبت الرز بجاط وتركتو ١٠ دقايق عشان يجمد و بعدين البازيلا عالاطراف و الدجاج عالوج مع القلوبات .
الصوص : ٢ معالق طعام زبده ٢ معالق طعام طحين منقلبن شي ٣ دقايق بعدين ضفت جوزة الطيب شوي مع سبع بهارات و ضفت مرق الدجاج و شوي مي سخنين و حركت و تركتن يغلو عنار هاديه ٥ دقايق وطفيت اذا لقيتو الصوص سميك ضيفو شوي مي سخنين .
.
#منسف_دجاج_فاطمه_كتشن
#رز_عدجاج_باللحم_فاطمه_كتشن