ملوخية بالدجاج
لمرقة الدجاج :
- دجاج مغسول جيداً
- حبه بصل مقطعه ارباع
- فص ثوم
- ملعقه صغيره من كل : كمون كزبرة وبهار مشكل وفلفل اسود
بهار صحيح :
- هيل وقرفه
- حبه ماجي
طريقة التحضير
في قدر الضغط احط المويا بالمقدار اللي ابغاه واحط جميع المقادير واقفل قدر الضغط واتركه على النار لمدة نص ساعه ثم انشل الدجاج واصفي المرقه
الملوخيه
اربع حزم متوسطه ملوخيه مقطفه ومغسوله
احط الملوخيه في خلاط العصير واحط عليها نص حزمه شبت مع شوي من مرقة الدجاج واخلط ناعم واضعهم بالقدر واضيف حبتين ماجي وملعقه صغيره فلفل اسود وكمون وبهار مشكل وبابريكا ونص ملعقه صغيره ملح واحط فلفل اخضر سليم
واتركها تغلي على نار هاديه خمس دقايق واسوي الطشه
الطشه :
في طاوه صغيره على النار احط ملعقه سمن واحط اربع فصوص ثوم مدقوق وملعقه كزبرة ناشفه ونص كوب كزبرة خضرا ولما يتحمروا اطشها على الملوخيه
اترك الملوخيه تغلي بعد الطشه لمدة دقيقتين وبالعافيه
تقدم مع الرز والدجاج المقلي
الرز عملته بمرقة الدجاج المتبقية وبخرته بفحمه
الدجاج بعد السلق عصرت عليه ليمون وشطه قوارير وبهارات مشكله وفلفل اسود وملح وقليته بزيت غزير
