مكرونه بالبشاميل
وصفتنا اليوم مكرونه بالبشاميل
المقادير
- كيس مكرونه مسلوقه
للحمه:
- نص كيلو لحمه مفرومه
- حبه كبيره بصل مفروم
- ٣-قص ثوم مهروس
- كوبين طماطم معصوره
- ملعقه كبيره معجون طماطم
- ملعقه صغيره بهارات كل من: (فلفل اسود وكمون وكزبره وبابريكا وبهارات مشكله وقرفة مطحونه )
- ملح حسب الحاجه
- نص كوب مويا
- ربع كوب كزبره مفرومه
لصلصة البشاميل :
- نص كوب زبده
- نص كوب دقيق
- ٣الى٤ اكواب حليب
- نص ملعقه صغيره فلفل اسود
- رشه بسيطة من جوزة الطيب
- ملح حسب الحاجه
طريقة التحضير
في طاوة ساخنه ع نار عاليه نضيف اللحمه ونقلب الين يتغير لونها وتنشف مويتها نضيف البصل والثوم ونقلب ونضيف البهارات والملح ونقلب ونضيف معجون الطماطم والطماطم المعصوره والمويا ونغطي عليها الين تتسبك واخر شي نضيف الكزبره
نجهز صلصة البشاميل
في قدر ع النار نحط الزبده ونقلب الين يصير لونها بني ونضيف الدقيق ونقلبه الين يصير لونه اشقر ونضيف الحليب بالتدريج ونقلب سرررررييييع واخر شي نضيف الملح والفلفل الاسود وجوزة الطيب ونقفل النار
في صينيه نحط المكرونه وفوقها اللحمه ومكرونه واخر شي بشاميل وع الفرن الين تتحمر ونقدمها وبالعااااااافيه ♥️
