| مقلوبه بطريقه سهله وبدون قلي 😋😍👌🏻 | .
^^ بالقدر :
نضيف الزيت مع البصل نحمسه لين ياخذ لون ذهبي خفيف بعدين نضيف البهارات : ( بهارات مشكله ، فلفل أسود وأحمر ، كركم ، كزبره ناشفه مجروشه ، حبة ليمون أسود ، حبتين هيل عدل ، وعود واحد قرفه ، ملح ) ونحركها مع البصل ثم معجون الطماطم .، ثم نضيف قطع الدجاج نرصّها جنب بعض بعدين نضيف الثوم مع الفلفل الحار ( على حسب الرغبه )
ثم شرائح طماطم ثم نضيف الخضروات اللي نحبها أضفت : ( كوسه ، جزر ، بطاطس ، فلفل رومي ملون ملون مقطع شرائح ، فلفل حار حبات كامله )
ونضيف عليهم ماء مغلي كوب ونص تقريباً ونغطي القدر ونخليهم على نار متوسطه ربع ساعه ..
.
.
^^ في قدر ثاني 🙁 نسلق الرز مع ماء مغلي وزيت وملح وبهارات عدله وشوي بهارات بيضاء ) نسلقه ثلاث أرباع استواء بعدين نصفّيه من الماء .
.
نضيف الرز على خلطة الدجاج ولازم يكون فيها شوي مرق .. وآخر شيء على وجه الرز نضيف الكشنة مو ضروري بس تعطي طعم لذييييذ .. بصل مقطع مكعبات نحمسه بالتاوه لين يذبل وتصير أطراف البصل بني فاتح وبعدين نضيف الزيت ونحرك لين يذبل زياده ونضيف الكركم وبهارات المسمنه .. نوزعها على وجه الرز .. بعدين نغطّي القدر و نخليه على نار هادئه نص ساعه .. وبعدين نشيله من على النار ونكتمه بفوطه ونخليه من ربع ساعه إلى نص ساعه عشان إذا قلبتوها تنقلب بسهوله .. كل ماطولت شوي مكتومه انقلبت مضبوط 👌🏻 .
.
وبألف عافيه على قلوبكم ❤️
