مقلوبة دجاج بالرز البسمتي و الصن وايت

.
السلطه : بجاط منحط ثوم مهروس حسب الرغبه و سماق و نعنع يابس و عصير ليمون و دبس رمان و ملح و زيت زيتون منحركن و منحط عليهن الخضره المتوفره .
.
مقلوبة دجاج بالرز البسمتي و الصن وايت 👌🏻👍🏻
.اساس المقلوبه بالرز المصري .

شفت عاليوتيوب ست بيت من فلسطين خلطت نوعين من الرز بالفعل طعم لا يوصف 👌🏻😍
.
حطيت كوبين و نص رز بسمتي و كوبين رز صن وايت و غسلت الرز و نقعتو مع شوية ملح ساعه ونص .

الدجاج يلي ستخدمتو اليوم ( المراعي) .
غسلت الدجاج ( خل – ملح – طحين – ليمون – زيت زيتون – قشر الليمون ) حطيت هالخلطه كلها عالدجاج و فركتو منيح و تركتو ربع ساعه منقوع بالخلطه وبعدين فضيت كل الشقف الحمرا يلي بتكون بالعضمه يلي بين سيقان الدجاجه وغسلتو منيح بالمي و نشفتو 👍🏻
و قطعتو .
بهرت الدجاج : بابريكا – كركم – قرفه – فلفل اسود – ثوم مجفف – بصل مجفف – ملح – هيل مطحون
و خلطت البهار بالدجاج ..
بطنجره عالنار حطيت زيت من زيت قلي الباذنجان و قليت قطع الدجاج لياخدو لون اشقر .
بعدين حطيت مي و شلت الرغوه يلي طلعت من الدجاج الزفره و غطيت عالدجاج ساعه .
قليت باذنجان مقطع بالطول و شقف و بطاطا شقف و جزر و بندوره مقطعه دوائر عريضه و صفيت كل الخضره ضروي مصفاي عشان ينزل الزيت منن .
بطنجره حطيت زيت من زيت قلي الباذنجان و قطع البندوره المقليه
و عالاطراف شقف الباذنجان يلي بالطول و قطع الدجاج المسلوقه و شوي سبع بهارات و بعدين باقي البطاطا والجزر والباذنجان المقليين .
صفيت الرز المنقوع ساعه ونص مع ملح حطيت عليي سبع بهارات و حركتو و ضفتو فوق الدجاج .
.
ضفت مية سلق الدجاج مع شوية مي و مندوق الملح اذا بدها بعد ملح منملح .
.بطرف معلقه منغرز الرز بكل الميلات عشان يتغلغل مع الخضره .

تركتا تغلي عنار قويه وبعدين بس نشف شوي الرز غطيتو بقصدير و عنار هاديه ٢٥ الى ٣٠ دقيقه نار جدا هاديه .
.منزين بالقلوبات المقليه بالزبده .
.
#مقلوبه_فاطمه_كتشن
#مقلوبة_دجاج_فاطمه_كتشن
#مقلوبة_باذنجان_فاطمه_كتشن