يسعد مساكم بالورد والفل والكادي واليوم جهزنا معمول العيد بالتمر وصفتي هذي معتمده من زمان وجربوها وراح تعجبكم وممكن تكون الحشوة فستق او جوز وقرفه اذا ماتحبون تمر (((هذي طريقتي
المقادير
- ٣ كوب دقيق
- ٢ كوب سميد
- كوبين سمن
- ملعقه صغيره جدا بيكنج بودر
- ملعقة يانسون كبيره وملعقة شمر كبيره ورشة قرفه وهيل /ونجمة اليانسون اربع حبات نجمع المكونات ونطحنها في نفس الوقت عشان تعطي طعم لذيذ للمعمول
- ٣ ملاعق حليب بودره تخلط المقادير الجافه مع بعض
- ثم تعجن بكاس ونص ماء
وتترك ترتاح ثم تكور و توضع في القالب بعد حشوتها بالتمر او تزين بالملقط الخاص بالمعمول
التمر مطحون كيلو مع ربع اصبع زبده وملعقه قرفه مطحونه ورشة هيل
ويخبز في الفرن على ١٨٠ درجه عشر دقائق لايطول عشان مايصير ناشف وتحمير خفيف من فوق
ثم يترك يبرد ويرش بالسكر المطحون والفستق والهيل الناعم
وبالعافيه
وصفات مشابهة
