مساكم الله بالخير اخواني المتابعين عساكم بخير. اليوم طبخة سريعة لاني تعبان من الشاليه امس ومارحت الدوام سألت الأولاد شيبون غدا قالو مصقعة من ايد بابا شريت الاغراض وصليت الظهر وركبت الكاميرات وبدأت الطبخ اولا قصيت الباذنجان والبطاط والبصل دوائر وقليت الباذنجان والبطاط بالزيت صفيت البصل اول بدون قلي بالصينيه وبعدين البطاط المقلي حمست البصل والفلفل والثوم والزنجبيل ونزلت عليه اللحم المفروم وحمستهم ربع ساعه حكم وبعدين نزلت البهارات عليهم والملح ومعجون الطماط والطماط المقطع وحمستهم عدل خمس دقايق ونزلت هذي الخلطه الجميله على البطاط وصفيت الباذنجان على وجه الخلطه وسويت خلطه ثانيه الطشه اوالتأليه من صلصة الطماط والثوم والبصل وعصير الليمون وحمستهم ونزلتهم على وجه الصينيه وزينتها بشرايح الطماط وشرايح الليمون وقرون الفلفل ودخلتهالفرن نار من تحت ١٨٠ درجه ٤٥ دقيقه وبعدين عشر دقايق تحمير من فوق. والله مصقعة من الطراز الأول اذا عجبكم الفديو لاتنسوني بالايكات والكومنتات الي اقرأها كل يوم واتمتع بكلامكم ودعائكم الجميل 🌹🌹🌹🌹
