مشويات بشكل خطير
النهاردة هنعمل مشويات بقى بشكل خطير، هنشوى ريش و كفتة و طرب …. يلا بينا 😍😍
(تتبيلة الريش)
- مياه بصل (كوباية)
- تفل طماطم نص كوباية (مصفى من المياه تماماً)
- بشرة جوزة الطيب
- ملح و فلفل
هنخلط كله مع بعض و نبيت فيه الريش الضانى.
الكفتة هتحتاج لحمة ضانى مفرومة مع لية من عند الجزار و ممكن اختيارى نضيف تفل البصل اللى طلعنا منه مياه البصل.
الطرب هيحتاج منديل الخروف نلف فيه نفس الكفتة.
نولع الفحم بقى و نتعامل، مياه البصل هتخلى الريش تستوى بسرعة و هتبقى طرية جداً، الطرب هياخد وقت اكتر من الكفتة شوية علشان يستوى بالكامل من جوه.
جربوا بقى تعملوا شوى فى يوم و قولوا لنا رأيكم 😍
