مرّيت سمك اكسبرس بشويخ @samakexpress اخذتلي سيباس البحر الاحمر وحدة صغيرة نظفها لي . قشرت بطاطة و سلقتها خمس دقايق بعدين رشيت عليها بابريكا وايد و اوريغانو وملح وفلفل اسود . قلبتها و بالفرن عشرين دقيقة . تالي سلقت بروكلي نفس الشي خمس دقايق و حطيته بماي بارد عشان يوقف طبخ و يظل لونه اخضر و شاتر مو ذابل . طلعت السمچة و سويتها فيليه شلت عظمها و جلدها سويتهم اربع اصابع رشيتهم ملح بعدين بطحين و بيض و بقسماط بانكو الخشن . مخلوط معاه اشبنت و فلفل اسود و حمّرتهم بزبدة معاها شوية زيت عشان لا تحترق اخر شي صفيتهم بصحن التقديم مع صلصة التارتار و ليمون . الاكل لذيذ !
