مرقة لحم

طبختي اليوم مرقة لحم وطبعا الكل يعرف .
لكن المهم بالموضوع اني اول مره استخدم هالنوعية من الفخار
نوعه أسباني ممتاز جذا وكتجربة أولى النتيجة من اروع والذ ما يكون والتجربة ناجحة 😍😍😍
حمست اللحم
طبعا لحم عربي شوفو لونه شلون ابيض ما شاء الله . تالي حطيت عود دارسين ورق غار هيل ثلاث حباة وحمست تالي بصله قطعتها كبار افضل من الصغار وثوم وحمست تالي الطماطم والمعجون البهار حطيت كركم وكزبر وبهار مشكل ملح رشة . .
اخر شي نقلت الخلطة بالفخار العجيب
واخر شي القرع افضله مع القشر وانتو كيفكم .
وراس ثوم وماي اخر شي .
العجينه ماي ورشة ملح .
وفردتها وغطيت الفخار علشان يحبس الهوا .
وبالفرن درجه عاليه بس تحت اخذ وقت ساعتين فقط .
وهذا الشكل النهائي قلبت المرقة
وبصراحه كل شي مستوي وذايب
والأهم لذيذ والذ من طبخ الجدر .
موحود هل فخار بكل مكان .
ضروري تحربون الشي اللذيذ .
اسعدوني بتواصلكم الجميل .❤️
#مرقة_لحم_بالفخار_نادية_كوك