مساء الخير متابعيني .
اليوم طبختي مرقة لحم عربي مع بامية .
طبعا اليوم بإشرافي الطبخ وبمساعدتي .
لاني متخذة علاج طبيعي لكتفي اليسار وموصيتني دكتورتي اني ما اشكرك ايدي .
وبما اني عسماوية .وشغلي كله باليسار فقلت هل مره اسمع الكلام 😂😂😂.
المهم طبخنا اللحم تالي قليت البامية انا احب اقلي البامية الفرش ومع شوية ثوم .
طبعا الطريقة موجوده من قبل لكن حبيت اشارككم .
وسويت رز مشخول اهم شي الحكوكة الكل يحبها .
وطبعا زينته بالبصل المقلي المقرمش .
طبعا مرقة البامية كل دولة ولها طريقة
وايضا البامية لها كذا طريقة والحياة حلوة .
بطريقتي 🇰🇼🇰🇼🇰🇼 نادية كوك 😊
اسعدوني بتواصلكم الجميل ومشاركاتكم وكل الشكر 🌹❤️.
..
..
عندي ملاحظة مهمة 😂😂😂
البعض اللي يقول شلون طبختج والخدامة اللي اسوي اولا هذي حالها حالكم واسمها عاملة وموظفة مثل ما انتو تشتغلون يعني عاملين او موظفين هذا اولا .
ثانيا سبحان الله اللي قاعدين يعيبون عمرهم ما علقو لكن يحاولون يدورون اي شي عليي علشان ينتقدون استغفر الله
واللي يقولون دهن وزيت انا اكثر وحده اعرف بهالسوالف لكن لما يكون عندي ناس وضيوف الاكل يختلف حسب طلب ضيووووفي وصلت المعلومه فَلَو سمحتو انا اكثر وحده افهم بهل الامور . .
اعتقد الفيديو واضح والطبخ بإشرافي وكنت اقدر اخليها تسوي كل هذا بدوني واقولكم انا طبخت لكن انا ماشية معاكم صح .. . خلو قلوبكم حلوة نظيفه مو بس قاعدة تنتقد وتعيب الكلمة الطيبة ما تعرفونها ولا تعلقونلي لكن حق هالشي تطلعون ما شاء الله عليكم والله عيييب .
وكل الشكر للناس الطيبة اللي تقدرني وتقدر شغلي وطبخاتي وتحترمني ❤️❤️❤️ لكم مني كل الحب .
#مرقة_لحم_نادية_كوك
