اول شي ما لقيت نفس المحار حق تركيا فأخذت دا النوع ومايجي الغطا معاه واللحمة حقتو مليانة وفيلم 😂 الموهم حاولت قد ما اقدر ازبطو والطعم مو نفس حق تركيا بالزبط بس نقدر نقول ٧٠٪ قريب منو طبعا يعتمد على نوع المحار اللي عندكم لو لقيتو الأسود الغامق اللي لحمتو خفيفة رح يطلع افضل
المقادير
- محار
- مقدار كاسة موية رز مصري مغسول ومنقوع لمدة ٥ دقايق بس
- نص فنجان شاي زيت نباتي
- حبتين بصل متوسطة الحجم مقطعة مربعات
- كاسة موية بحرارة الغرفة
- ملح وفلفل اسود
- ورق زبدة
طريقة التحضير
نجيب قدر ونحط فيه الزيت مع البصل على نار متوسطة عشان مانبغا البصل يتحرق بس يذبل ويتغير لونو شويا وبعدها نحط الرز ونقلبهم ونحط البهارات وبعدها نضيف مويه بحرارة الغرفة واول ماتغلي نرخي النار جدا ونغطي القدر والرز مو لازم يستوي كتير لانو رح يستوي كمان مع المحار وبعد مايستوي الرز تقريبا ٨٠٪ نحطو في صحن عشان يبرد ونجيب المحار ونحشيه ونقفلو وعلى القدر ونضيف في القدر فنجان شاي مويه بحرارة الغرفة ونجيب ورق زبدة ونغسلو ونحطو فوق المحار ونقفل القدر وعلى نار متوسطة لمدة ١٥ الى ٢٠ دقيقة وبالعافية عليكم
