مجبوس هامور دمامي بحت
مع الدقوس المشلوط . . .
وينهم أهل البحر والبحري شي خقاقي ناطع / / /
مجبوس هامور:
نملح السمك بملح خشن لمدة نصف ساعه بعدها نبهره ببهاوات سفرة النوخذة ثم نجيب مقلى وزيت ونحمي الزيت ونقلي السمك نصف استوى
راح نحتاج بصل/طماط/ثوم/زنجبيل/فلفل رومي كزبره البهارات الخشنه هيل/مسمار/ليمون اسود /دارسين/ ورق غار/فلفل اسود
نحمس البصل بس مع مويه الى يصير لونه بني نضيف له الثوم ثم ناخذ منه جزء للحشوه من البدايه نكثر كمية البصل ثم نضيف البهارات الخشنه وبعدها بشوي نضيف الفلفل الرومي والطماطم والزنجبيل ونحمسهم مع بعض الى ان يذوب الطماط مع البصل نصب عليه شوي ماي ونخليه يغلي وبعدها نحط السمك ونرش عليه الكزبره معاقتين بهارات سفرة النوخذة
ونتركه ٥دقايق ثم نمرقه ونتركه يطبخ مابعد الغليان 15 دقيقه نطلع السمك ونكب الرز نار ارتفاع المويه ٢/سم عاليه الى ان يرتفع الرز ثم نقصر عليه نضيف الحشوه ونرجع السمك فوق الرز ونكتم عليه على نار هاديه ٢٥ دقيقه وبالعافيه
