يعني هذي طريقتنا وكلن وطريقته لذيذة وعاجبتنا وامي تسويها من زمان
اخترنا الكنعد
نملحه شوي حول ساعة ثم نغسله ونملحه ونبهره باي بهار سمك ونقليه نص سوا او ثلاث ارباع سوا
نجهز الحشو
بصل لين يذبل ويصير شفاف واحط عليه حمص مجروش ( نخي) ومسلوق
ملح وبهار حشو وكركم وهيل ولومي ( ممكن استبدال بهار الحشو باي بهار تحبين)
اخذ منه شوي واحطه في القدر والباقي اتركه على جنب
احط عليه حبتين طماطم معصورة او مبشورة وفلفل بارد لمن يرغب وفلفل حلو وكزبرة وبقدونس
انا عندي روبيان وحطيته ( اضافي ماهو في الوصفة )
نخط شوي بديل الماجي وبهار سمك وبهار حب ( هيل وقرفة ولومي ومسمار)
اخليه يتسبك واحط كم قطعة سمك اخليها تطبخ شوي ثم لضيف ماء وانركه يعلي غلوتين واطلع السمك
احط الرز المغسول والمنقوع نوع العنبر ( كل كوب رز اخذ كوب ونص ماء) ونضبط الملح
نخلي الحرارة عالية
لما يختفي الماء من السطح وتبان الحفر اهدي الحرارة واحط زبدة واسوي حفرة ادفن فيها بعض الاسماك واحط الحشو على جنب واغطيه ٢٠-٣٠د
وبس يقدم مع الحشو وبالف عافية
