ماربل تشيز كيك اللوتس الشكل طلع اجمل من اللي توقعته والجميل انه فيكم تغيروا بالنكهة 👌
- لطبقة البسكوت بنحتاج:
-
- ١٥٠غ بسكوت دايجيستف مطحون (١٠ حبات)
- ١٠٠غ بسكوت لوتس مطحون
- ١٠٠غ زبدة مذوبة
– الطبقة الثانية :
بوعاء بنخفق:
450 جبنة كريمي (بحرارة الغرفة) بخفق الجبنة بدون مبالغة بالخفق
بضيف عليهم كوب وربع سَوَر كريم ( يستبدل بنسبة متساوية من اللبن الزبادي بدون ماء نهائيا مع القشطة)
وكوب سكر ناعم الحبيبات
ومعلقة طعام فانيلا
وثلاث معالق طعام طحين ومعلقةونص طعام عصير ليمون
بنخلطهم بعدها بنضيف ثلاث بيضات (بحرارة الغرفة) بالتدريج وبنضيفهم ع خليط الجبنة وبنحركهم بالسباتيولا.
بنقسم الخليط لقسمين متساويات وبنضيف ع القسم الاول ٣ معالق كبيرة زبدة مذوبة
بنحط جزء من الخليط الابيض فوق طبقة البسكوت ثم جزء من خليط اللوتس بالتناوب حتى تخلص الكمية وبندخلوا بواسطة عود خشبي بخليط الجبنة وبندخلوا الفرن حرارة ١٤٠ بالرف السفلي وبدون مروحة لافران الكهربا من الاسفل فقط اخذت معي 55 دقيقة بنتركها بالفرن ساعة بعد ما نطفيه ونفتح باب الفرن وبالثلاجة 8 ساعات ويزين حسب الرغبة وع قلبكم بالف عافية.
ملاحظة : لا تبالغو بخفق التشيز كيك والتزمو بحرارة الفرن
