لوبيا مكحله بالزيت وورق السلق

《لوبيا وسلق بالزيت》
.
اسحب الصورة يسار لمشاهدة الفيديو ⬅️
.
(لوبيا مكحله بالزيت وورق السلق) .. أكله سريعه ولذيذة وفرصه الواحد يريح معدته من اللحوم
.
هالوقت من السنه ورق السلق منتشر بكثرة استفيدوا من وجوده .. هي تعتبر طبق جانبي .. بس انا عادي اتغدا عليها 🥰😍
.
ولا تنسوا انها #لذيذة_لذاذة_اللذوذين_كلهم😋👌
.
◾المقادير تقريبا:
.
🔸3 اكواب لوبيا مسلوقة مكحلة
🔸3 ربطات صغيرة ورق السلق
🔸2 حبة كبيرة بصل ابيض
🔸3 حبات ثوم مهروس (بس اليوم ماحطيت)
🔸نص كوب عصير ليمون
🔸ربع كوب زيت زيتون
🔸نص مكعب مرق دجاج
🔸ملح وفلفل وكمون حسب الرغبة
.
#مقبلات_كلحه #لوبيا_سلق_بالزيت
.
◾التحضيرات:
.
🔹يا اما تشتروا لوبيا معلبه وجاهزة للطبخ (أو) تشتروها حب ناشف وبالتالي لازم (تنقع) بالماء ليوم كامل ثم (نسلقها) لين تصير طريه وتقدرون تضغطون عليها بأصابعكم بدون بهار ولا ملح
.
🔹ورق السلق الأخضر .. ينغسل جيدا ويفرم ويصفی من الماء ويصير جاهز للاستخدام
.
◾الطريقه:
.
🔸نقلب بصل مفروم ناعم بزيت زيتون وفير .. لين يذبل
.
🔸ننزل عليه ورق السلق المغسول والمفروم خشن (انا فرمت كل ورقه ثلاث اجزاء) احبها يكون شكلها واضح بالطبق .. نقلب الجميع
.
🔸نضيف اللوبيا ونحط ملح وفلفل وكمون وعصير الليمون .. ونضيف شوي ماء ومكعب ماجي (اختياري) اذا تحبونها دسمه او مرق دجاج .. بكيفكم
.
🔸اول ماتغلي قصرو عالنار وغطوها .. وخلوها علی نار هاديه تطبخ وتصير ثقيله وخاثرة .. وعليها بالطبق عصرة ليمون ورشة زيت زيتون وخبز سااااخن .. وبألف صحه وعافيه😊👌
.
.