اهلًا اهلاً مساء الخير 🤩♥️♥️
وصفتنا اليوم لازانيا على اصولها الطعم خوراااففيي الطريقه مضبوطه و مليانه نكهات لذيذه من قلب لازم تجربوها♥️👏🏼
المقادير
- مكرونه لازانيا
- ٤ اكواب ماء مغلي
- شرائح جبن موزاريلا
-مقادير صلصله اللحم 🥩🍅:
- نص كيلو لحم مفروم بقري
- بصل ابيض مقطع
- ٣ فصوص ثوم مفروم
- ٢ ملعقه معجون طماطم
- كوب طماطم معصوره
- نص كوب صلصه المكرونه الجاهزة
- نص كوب مرقه خضار
- البهارات ( ملح وفلفل اسود و بهارات ايطاليه و بابريكا )
- بقدونس مفروم
- ريحان طازج مفروم
-مقادير الصلصه البيضاء :
- جبن ريكوتا او جبن كريمي
- بيضه
- بقدونس
- ملح و بابريكا
للوجه :
- جبن موزاريلا
- جبن بارميزان
طريقة التحضير
-في صينيه بايريكس صفيت شرائح مكرونه اللازانيا و صبيت فوقها مويه مغليه وتركتها ٣٠دقيقه عشان تصير لينه و تستوي نص استواء ..
-نجهز الخليط الابيض و نخلط كل المكونات مع بعض و ندخلها الثلاجه ترتاح ..
-عبال ما تستوي المكرونه نجهز صوص اللحم او الحشوه ، في قدر ع النار نصب زيت الزيتون و نحمر اللحم المفروم الين يتغير لونه بعدين نضيف البصل و الثوم و البهارات كلها و المرقه و عصير الطماطم و معجون الطماطم و الطماطم المعصورة و نخليها تتسبك على نار هادئه..
-نجيب صينيه الفرن و نرتب الطبقات زي ما سويت في الفيديو واهم شي نغطي الصينيه بالقصدير
-ندخلها الفرن حوالي ٤٠ دقيقه وآخر٢٠ دقيقه نفتح القصدير عشان يتحمر الوجه -وتتقدم و بالعافيه عليكم ♥️♥️🍽
