| كيكة الليمون المنعشة 🍋✨ |
طرآوتها تجننننن ولذيذه جداً جرّبوها وتلذّذو 👌🏻.
المقادير
- اصبعين زبدة = ٢٠٠ جرام
- كوب ونص سكر
- م ك بشر الليمون
- ٥ بيضات نوعيه ممتاز مثل : رحيمة أو أي نوع تثقون فيه
- م ص فانيلا
- ثلث كوب زبااااااااادي العادي أنا استخدمت حق المراعي الشام الحامض ، أو ساور كريم ” قشطة رائبة “
- كوب ونص طحين استخدمت الكويتي
- نص م ص ملح
- م ك بذور الخشخاش اللي هي بوبي سيد “اختياري”
طريقة التحضير
نخلط الزبدة والسكر مع بشر الليمون ثم ننزل البيض بالتدريج ثم الفانيلا ثم الزبادي ثم آخر شيء الطحين مع الملح وبذور الخشخاش و يكون الخلط مجرّد يندمج الطحين لا تكثرون الخلط 👌🏻نصب الخليط بقالب مستطيل ٥*٩ انش ويصير الفرن مسبق التسخين مشغل من تحت على درجة ١٨٠ ْتاخذ لها تقريباً ساعه كامله بالفرن ..
أول ماتطلع ونختبر الاستواء نسوي فيها فتحات عشوائيه بالعود ونسقيها بخليط الليمون ** طريقته : بقدر صغير .. ثلث كوب سكر مع ملعقتين ماء + ٣ م ك عصير ليمون .. نخليهم يتجانسون ويغلي الخليط ثم نخليه يبرد على راحته .. نصبّه ع الكيك وهو توه طالع من الفرن وضروري يكون بارد مو حار 👌🏻
.وانتظرو ع الكيكه تتشربه وتبرد ثم قطّعوها
و استمتعو .. بألف عافيه على قلوبكم 💓✨
وصفات مشابهة
