كيكة الحليب بالفستق

😍😋كيكة الحليب بالفستق 😍😋

لذيييذة😋👌🏻.

تنخلين كوبين طحين كويتي فاخر مع ملعقة طعام بيكنج بودر، وربع ملعقة صغيرة بيكربونات الصوديوم، ورشة ملح، وشوية هيل مطحون، وعقب ما تنخلينه تضيفين عليه نص كوب فستق مطحون، وتخلينه على جنب.
تخفقين بخلاط الكيك أربع بيضات مع شوية فانيلا وكوب سكر بودرة ليما يصير المزيج كريمي، عقب تضيفين عليه نص كوب زيت نباتي، وتخفقين لمدة ثلاث دقائق، وتضيفين بالتناوب كوب حليب سائل وخليط الطحين المنخول وتخلطين ليما تتجانس المكونات. تصبين الخليط في قالب مدهون وتدخلينه فرن مسبق التسخين على حرارة مائة وثمانين درجة ليما تنضج الكيكة وتتحمر من فوق. تطلعين الكيكة من الفرن وتخلينها في القالب ليما تبرد.
تسوين ثقوب على سطح الكيكة باستخدام عود شواء، وتصبين عليها جزء من صوص التسقية وتنطرين ليما تتشربه الكيكة، عقب تصبين كمية إضافية من الصوص….. وهكذا، مع ضرورة الاحتفاظ بنص كوب أو أكثر شوي من الصوص للتقديم.
تغطين الكيكة وتدخلينها الثلاجة ليلة كاملة.
تطلعين الكيكة من الثلاجة وتزينينها بكريما خفق مخفوقة، وفستق مطحون، وتقطعينها مكعبات.
تصبين في كل طبق من أطباق التقديم الصغيرة شوية من الصوص إللي احتفظنا فيه جانبًا، وتحطين عليه قطعة من الكيك، وبالعافية.

صوص التسقية: تخلطين بخلاط العصير كوب حليب سائل، وكوب كريما خفق، وكوب حليب أبو قوس المبخر ونص كوب حليب نستله المركز المحلى، وأربع ملاعق كبيرة من زبدة الفستق. *ملاحظة: تُخبز الكيكة في قالب مستطيل أو مربع عادي غير مجوف.
@asya122