كيكة التمر برقائق الفطاير👌👌
.
مقادير الكيكة:
كوب ونص تمر منقوع في كوب ماي حار
نص كوب زيت
2 بيض
ملعقه وسط فانيليا
نص كوب سكر
كوب و ربع طحين
ملعقه وسط باكنج بودر
ملعقه صغيره قرفه
1 علبه قشطه
.
الطريقة:
نخلط الطحين مع الباكنج بودر والقرفه…وبالخلاط نخلط البيض والسكر والفانيليا..تالي انضيف الزيت ..والتمر المنقوع..والقشطه ..ولما يتجانسون ..انضيف الطحين بالتدريج
.
ناخذ عجينة الفطاير و ندهنها بزبده سايحه و نرش عليها شوية قرفه..و نكرر هالخطوه 4 مرات
.
تالي نقطعها الى اربع ..و نضيفها الى صينية الكب كيك الصغيره ..وانضيف خليط الكيك فيها ..و اخر شي انضيف هالخلطه فوق خليط الكيك ( نص كوب جوز مجروش+ملعقة طعام بسكوت مطحون+ملعقه طعام سكر اسمر)
.
وعالفرن لمدة ربع ساعه ..و تزين بالتوفي
.
التوفي💕
كوب سكر ابيض يذوب عالنار +انضيف عليه ربع قالب زبده +قيمر kdd الحجم الكبير ..نخلطهم عالنار لما يتجانسون
.
#وصفات_نور
.
