| كيكة التمر بالحليب المحموس | 😍👌🏻
(1) المقادير
- 3 بيضات
- م ص فانيلا سائله
- علبة زبادي 170 جرام
- اصبع زبدة 100 جرام
- نص كوب سكر بنّي أسمر ناعم وإذا ماعندك سكر أبيض عادي + كوب تمر تقريباً 25 حبه تمر خلاص حجم وسط
(2) المقادير
في صحن عميق نضيف :
- كوب حليب بودره محموس حمس خفيف يصير لونه بني فاتح مو محروق وبعدين تنخلونه
- كوب طحين أبيض
- ملعقه صغيره بيكنج بودر
- نص ملعقه صغيره بيكربونات الصوديوم
- ملعقه صغيره قرفة مطحونة
- نص كوب جوز مكسّر كسر صغيره
- ربع كوب جوز الهند المحموس ونخلطهم بالسلك اليدوي مع بعض مضبوط
طريقة التحضير
مقادير رقم (1) نخفق الزبدة مع السكر بعدين نضيف البيض حبه ورا حبه وبعدين التمر والزبادي . وبعدين نضيفها على رقم (2) ونخلطهم مع بعض لين يمتزجون .. الحين يا نحط الخليط بصينية حجم وسط أو قوالب الكب كيك ثمن ندخل الصينيه لفرن مسبق التسخين يعني يكون مشغل من 10 دقايق من تحت على درجة 180ْ 👌🏻 ** فرني كهربائي : أخذت معي ربع ساعه تقريباً ،
و الصينيه اللي استخدمتها ماركة ويلتون من محل تافولا مايلزق فيها الكيك أبداً وأول ماطلعتها قلبتها وانقلبت وهي مضبوطه .
بعدين أضفت عليها صوص البتر سكوتش .. | مقآدير صوص البتر سكوتش |
افففف يا بنات طعمه خياال مع كيكة التمر يبكّي 😢
جرّبوه لازم تجربونه والطريقه أخذتها من الشيف : محمد الفارس .. : المقآدير :
75 جرام زبده
م ص فانيلا سائله
330 جرام سكر بنّي ناعم بالدّبس .. بالوصفه استخدمت الفاتح لأن ماكان عندي اللي بالدّبس أذكر أخذته من الدانوب مكتوب ع الكرتون بني خام غامق .
375 مل كريمة خفق .
: الطريقه :
نخلطهم كلهم على نار هادئه لين تذوب الزبده والسكر ،
بعدين نرفع النار لين يغلي ثمن نخفف النار لمدة 5دقايق
يثقل القوام و نصبّه وهو حار ع الكيكه آخ ياطعمه 💔
#كيكة_تمر_عبير_العميره
