| كيكة التفاح 🍏 مع الطبقة المقرمشة | .
المقادير
المقادير السائلة :
- 3 بيضات
- م ص فانيلا سائلة
- ثلاث أرباع كوب سكر
- ثلاث أرباع كوب زيت
- نص كوب حليب طازج
نخلطهم مع بعض بالسلك اليدوي أوالخلاط.
المقادير الجافة :
- كوبين ونص طحين
- نص م ص ملح
- م ك بيكنج بودر
- نص م ص بيكربونات الصوديوم
- م ص قرفه
المقادير للطبقة المقرمشة :
- نص اصبع زبدة 50 جرام بحرارة المطبخ
- 6 ملاعق كبيره طحين
- 5 ملاعق كبيره سكر بودرة
- م ص قرفه
- جوز تكسرونه عشوائي حسب ذوقكم تحبون كثير أو شوي . . .
نضيف المقادير السائله على الجافه ونخلط بخفّه وبسرعه ومانكثر خلط ونضيفهم بصينيه قاعدتها متحركه حجم وسط وبعدين نقطع حبتين تفاح أخضر لمكعبات بدون قشر عادي تستخدمون الأحمر ونضيفهم فوق خليط الكيك ،
وبعدين الطبقة المقرمشه نفركها بأطراف الأصابع لين يكون عندنا القوام زي الرمل حبات متفلفله وبعدين نغطّي طبقة التفاح بالكامل وبعدين ندخلها لفرن مسبق التسخين على الرف الوسط ويكون مشغل من تحت على درجة حراره 350 = 180 درجة مئوية أخذت معي 50 دقيقه ،
وبعدين حمرتها شيء بسيط من فوق ، وآخر شيء جملتها بالتوفي والجوز وجوز الهند المحمص . .
و بألف عافيه على قلوبكم 💕
وصفات مشابهة
