كيكة التريليتشا

الكيكة المتشربة نكهات 👌 من الكيكة الغرقانة للطبقات المتناغمة بالنكهات كيكة التريليتشا 🇹🇷

– بنخفق خمس بيضات حجم صغير لحتى يفتح لونهم (لو البيض كبير ٤ حبات) – بنزل عليهم كوب سكر ناعم الحبيبات بالتدريج وبنخفق حوالي ٨ دقايق
– بعدها بننزل بنصف كوب زيت بشكل خيط وبنخفق لمدة دقيقتين
– بننخل المكونات الجافة (ثلاث مرات) وهي عبارة عن كوب ونصف الكوب طحين ومعلقة كبيرة ونص باكينغ باودر ورشة ملح (بالفيديو نخلتهم مرتين من قبل ) بنضيف خليط الطحين عثلاث دفعات وبنحرك يدويا بكل مرة
– اخر شي بنضيف معلقة صغيرة فانيلا وبنخلط الخليط منيح لنتاكد من اختفاء الطحين تماما
– بندهن صينية الفرن بالزيت والطحين (استخدمت بخاخ الكيك) مقاس الصينية (٣٠*٢٠ سم) وبنزل الخليط وبنحركوا بالعود الخشبي لنطلع منو فقاعات الهوا
– بندخل الصينية فرن محمى مسبقا عحرارة ١٨٠ من ٣٠-٣٥ دقيقة مع اختبار الاستواء
– بنشرب الكيكة وهي سخنة بعد ما نعمل فيها ثقوب بالعود الخشبي بخليط من (ثلاث اكواب حليب سائل ونصف كوب كريمة ومعلقة صغيرة فانيلا) وبنترك الكيكة تبرد

ملاحظة : الكيكة ساخنة وخليط التشريب بحرارة الغرفة
– بنخفق كوب كريمة سائلة مع ظرف دريم ويب ليجمد معنا (الكريمة ووعاء الخفق يكونوا باردين)
– بنحط الكريمة عوجه الكيكة وبندخلها الثلاجة تتماسك
– اخر شي بنحط طبقة الكراميل وهي تحضر مسبقا حنزلكم الطريقة بالفيديو غدا مع كل الملاحظات ليطلع معكم بلون وقوام رائع
بنترك الخليط يبرد تماما ليثقل قواموا وبالعافية ع قلبكم ❤️