كيكة التريس لتشي ( كيكة الحليب🥛 ) .
.بنكهه عربيه (الزعفران)😍😋 .
الأساس عبارة عن كيكة اسفنجية مضبوطة ☁️( هنا استخدمت خليط كيك جاهز الأبيض من العلالي نوع باوند كيك – – أو اعملوا طريقة كيكة اسفنجية تحبونها و دائماً تضبط معكم ) 👌🏻
بعد ما تخلطون مكونات الكيك نفس المكتوب على العلبة نضيف للنكهة زعفران و م ك من ماء الورد 💛🌸 نخبز الكيكة في قالب مستطيل مدهون زبدة .. و بعد ماتستوي 🔥 نتركها تبرد شوي و نعمل ثقوب بعود خشبي و نشربها بصوص الحليب 🍶
صوص الثلاث انواع من الحليب عبارة عن :
علبتين حليب مبخر نفس ابوقوس و غيرة – حجم ١٧٠ جرام
ثلاث ارباع علبة حليب مكثف محلى
كوب حليب عادي
و زدت على الأنواع الثلاث كوب رابع من كريمة الخفق لطعم أغنى و ألذ 👌🏻. .
اخر شيء نضيف رشة زعفران للنكهة و اللون ✨
نخلط مكونات الصوص ( ❗️ ذوقوه و شوفوا اذا تحبون الكيكة تجي حالية بزيادة تقدرون تزيدون او تنقصون كمية الحليب المكثف المحلى في الصوص على حسب رغبتكم 👍🏻) .
نضيف الصوص على الكيكة .. في البداية بتشوفون ان الكمية كثيرة لكن راح تتشربه بالكاامل بعدين 👌🏻و نحاول نشيل مقدار كوب لوقت التقديم .. ندخل الكيكة الثلاجة ليلة كاملة او ٦ ساعات بالثلاجة على الأقل عشان تتشرب كامل الصوص و يتركز الطعم و تتماسك❄️ . .
لكريمة الوجه ☁️:
كوبين كريمة خفق
٢ م ك سكر بودرة
م ص ڤانيلا سائلة .
نخفقها جيداً لما تتماسك و نوزعها على الكيكة و نزينها بخيوط من الزعفران 👌🏻و نرجع نبردها لوقت التقديم
@njoodfood
