كوكيز طري ولذيذ : 🍪😋
لعشّآق الكوكيز هذي الطريقه فيها دسآمه وطعم يجنن حبيته من قلب 😍 طبّقوها بالتمام وبالترتيب واستخدمو الكوب المعياري 👌🏻
.
الطريقه :-
١- نحتاج اصبعين زبده يعني : ٢٠٠ جرام ونجيب قدر صغير ونخليه على نار هاديه ونذوّب اصبع ونص لين يصير لونه ذهبي وتطلع ريحة الزبده وبعدين نجيب وعاء عمييق ونحط فيه الزبده المذوّبه ونضيف فوقها النصف المتبقّي ونحرّك بالسلك اليدوي لين تذوب تماماً .
٢- نضيف نصف كوب سكر أبيض + نصف كوب سكر بنّي بالدّبس يجي (رطب) أخذته من التميمي ، وإذا ماعندك سكر بنّي عادي ، ونخلط لين يتجانس السكر مع الزبده .
٣- نضيف ( بيضه كامله + صفار بيضه + نص م ص فانيلا سائله ) ونخلط بشكل مستمر ٣دقايق وبعدين نخليه يرتاح ٥دقايق ونرجع نخلط ٣دقايق مره ثانيه ونخليه يرتاح ٥دقايق وبعدين نرجع نخلط ٣دقايق مره ثالثه وبس .
( الغرض من الخلط المستمر عشان يتجانس البيض مضبوط ويتماسك الخليط )
٤- نضيف كوب و ثلاث أرباع الكوب طحين أبيض متعدد الاستعمالات + نصف ملعقه صغيره بيكربونات الصوديوم + نصف ملعقه صغيره ملح .
طبعاً نخلطهم مع بعض ثمن نضيفهم على خليط الزبده بالتدريج على ثلاث دفعات ، وبعدين نضيف كوب وربع هيرشيز تشيبس ونعجنهم كويس .
٥- نجيب ملعقة الايسكريم ونحط الكور على ورق زبده بالصينيه وندخلهم للثلاجه أقل شيء نصف ساعه .
٦- ندخلهم الفرن مسبق التسخين على درجة حرارة ٣٥٠ فهرنهايت بالرف الوسط ويكون مشغّل من تحت بس مايحتاج من فوق وياخذ وقت ١٠دقايق تقريباً وبس 😍
وعساه بألف عافيه على قلوبكم 🌸💜
– هالمره كورته بيدّي + بدال هيرشيز تشيبس استخدمت 4 حبات جالكسي قطعته صغار وجمدته بالفريزر ✨👌🏻
