كوكيز بارز بالشوفان واللوتس 🍪
( لذيييييييييذة )
اللي يحب الشوفان نصيحة يجربها 👌🏻
المقادير
- كوب وملعقتين كبار دقيق
- ربع كوب زبدة طرية
- ربع كوب زبدة اللوتس
- نص كوب سكر
- بيضة
- كوب شوفان
- ملعقة صغيرة فانيليا
- رشة ملح
- ست حبات بسكوت لوتس مكسر
طريقة التحضير
نحمس الشوفان بملعقة زبدة لين مايصير لونه ذهبي
نخفق الزبدة وزبدة اللوتس مع بعض
نضيف السكر ونخلط
نضيف البيضة والفانيليا ونخلط
نضيف الدقيق والملح ونخلط
نضيف عليه الشوفان والبسكوت ونخلط
نحط الخليط في صينية الفرن مبطنة بورق الخبز
وبالفرن لمدة ١٥ الى ٢٠ دقيقة على حرارة ٣٥٠ فهرنهايت
نتركه يبرد ونقطعة ونزينه باللوتس نذوبه بالميكروويف
