كوكيز الشوفان

ما اتوقع راح تلقون ألذ من هالوصفه لكوكيز الشوفان! جربوه وراح تدمنونه!! شي خيااال والزبيب اللي ما احبه حبيته بالكوكيز 😍💔
.
وصفه كوكيز الشوفان مع الزبيب وجوز البيكان:
.
٢/١ كوب او واحد صبع زبده ، بحراره الغرفه
٢/١ كوب سمنه (لونها ابيض) shortening
٢/١ كوب سكر ابيض
١ كوب سكر بني
٢ م ص فانيلا سائله
٤/١ م ص نكهه اللوز ، سائل
٤/٣ م ص قرفه (دارسين)
١ م ص بيكنق صودا
١ م ص ملح
١ بيض
٦ م ك شراب الذره corn syrup
٢ م ك حليب سائل
٣ اكواب شوفان
١ و ٢/١ كوب طحين
١ كوب زبيب
١ كوب جوز او بيكان ، مقطع
.
نسخن الفرن على حراره ١٨٠ من تحت فقط وحديده الفرن بالوسط. نجهز صينيه الكوكيز ونضع عليها بارشمنت بيبر (ورق الفرن الابيض)
في وعاء كبير او وعاء العجانه، نخلط الزبده والسمنه والسكر الابيض والبني ونكهه الفانيلا واللوز والقرفه والملح والبيكنق صودا ، نخلطهم عدل لين ماتتجانس كل المكونات.
نضيف البيض ونخلط وبعدها نضيف الحليب و شراب الذره (corn syrup)
تالي نضيف الشوفان والطحين والزبيب والجوز ونخلط شوي لين تجهز عجينه الكوكيز.
في الصينيه المجهزه مسبقا نكور الكوكيز بحجم ملعقه كبيره ونرتبه بالصينيه او نستخدم سكوب الايس كريم الصغير.
ندخل الصينيه الفرن لمده ١١ الى ١٤ دقيقه .. الى ان يصير لونه ذهبي خفيف. بعد مانطلع الصينيه من الفرن نخليه يبرد على الشبك.
.
*الشوفان والطحين طلبتهم دايركت من موقع الموزّع بالكويت @_bluepassion_
Www.mybluepassion.com *
.
نوع هالطحين unbleached all-purpose flour
يفضل استخدامه للكوكيز والحلويات وما لقيت بالكويت من هالنوع الا بهالماركه .. اقرو بالنت عن الفرق بينه وبين العادي ال bleached *والشوفان حجمه ممتاااز مو كبير ومايحتاج تطحنونه لان في انواع من الشوفان ، بهالوصفه استخدمت quick cooking rolled oats
واتوقع تحصلونهم بمركز سلطان ولولو وسيفكو
.
ونكهه اللوز وااايددد تعطي نكهه لذيذه بس اذا ماعندكم منه عادي استغنوا عنه .. تحصلونه بالجمعيات صوب الفانيلا
.
والسمنه تقدرون تستبدلونها بزبده بنفس الكميه نص كوب يعني صبع واحد
#minibaker_oatmealcookies2

المصدر