كوسة بالبشاميل
النهاردة هنكسر قاعدة البشاميل، مش هنعمل مكرونة، هنعمل كوسة بالبشاميل …. يلا بينا.
المقادير
- ٢ كيلو كوسة
- سمنة
- نص كيلو لحمة مفرومة
- بصلة مفرومة
- ثوم مفروم
- معلقة كبيرة صلصة
- ملح، فلفل، نعناع
- خلطة بشاميل كنور
- لتر لبن
طريقة التحضير
هنقطع الكوسة حلقات و نشوحها فى سمنة (ممكن زيت)
هنشوح البصل فى زيت و لما يدبل ننزل عليه بالثوم و بعدها اللحمة المفرومة و الملح و الفلفل و النعناع و الصلصة.
هنعمل البشاميل هنحط بشاميل كنور مع لتر لبن و نسخن النار و نقلب لحد ما قوامه يظبط نديله شوية قشطة (اختيارى)
هنرص الصينية بقى طبقة بشاميل عليها طبقة كوسة و طبقة لحمة و نكرر لحد ما الصينية تقفل معانا نديها شوية سمنة او زيت على الوش و ندخلها فرن و بعد كدة شواية.
هتاكل بقى احلى كوسة بالبشاميل هتاكلها فى حياتك، أنا بحب أكلها مع الأرز بالشعرية … جربوها و قولوا لنا رأيكم 😍
