كريم برولييه
النهاردة هنعمل حلو عزيز اوى على قلبى و بحبه بشكل شخصى جداً، هنعمل كريم برولييه خطير … يلا بينا.
المقادير
- صفارتين بيض
- ٣ معالق كبار سكر
- باكو ڤانيليا
- ٢٥٠ مل كريمة خفق (حلويات)
طريقة التحضير
هنحط الصفار عليه السكر و الفانيليا و نضربهم لحد ما لونهم يبقى فاتح.
هنغلى الكريمة على النار و بعدين نطلعها و نحطها شوية شوية على خليط و نقلب علشان ميستويش و نقلب لحد ما يظبط و نحطه فى القالب و نحط القالب فى صينية و نحط مياه مغلية احد نص القوالب و ندخلها الفرن على ١٨٠ درجة لمدة حوالى ٤٥ دقيقة.
بعد كدة نطلعها و نحط لها سكر على الوش و نحرقه و يبقى عندنا احلى كريم برولييه 😍😍 جربوه و قولوا لنا رأيكم 😍😍
