الفيلى تشيز ستيك مع الكريمة
اقوى سندوتش فى ٢٠٢٢ .. اصل اللحمة مع المشروم و البصل و معاهم الكريمة و الجبن .. ده قمة الحلاوة و الجمال و السعادة 😍🔥تعالى احكيلك …
المقادير
- نص كيلو لحمة انتركوت
- بصلة كبيرة
- ربع كيلو مشروم
- ٢٥٠ مل كريمة طهى
- ١٠٠ جرام جبنة بارميچان
- ١٠٠ جرام جبنة شيدر احمر
طريقة التحضير
نشوح اللحمة لحد ما تاخد لون بعد كدة ننزل بالبصل و المشروم و بعدهم ننزل بالكريمة و نقلب كويس و نسيب الكريمة على نار هادية لحد ما تتقل، ننزل بعدها بالجبنة البارميچان بعد كدة ننزل بشرايح الشيدر الأحمر فوق اللحمة بتاعتنا و نغطيها لحد ما تسيح.
نفتح بقى العيش الفرنساوى و نعمل السندوتشات، احلى سندوتش هتاكله السنة دى .. مستوحى من الفيلى تشيز ستيك بس مع وجود الكريمة الموضوع فى حتة تانية خالص … جربوا الوصفة الخطيرة دى و قولوا لنا رأيكم 😍😍
