كوسا باللبن

مساء الخير. متابعيني الغاليين .
اليوم سويت كوسا باللبن
حق شخصين او شخص ونص 😂😂
عاد انتو كيفكم يعني حق شخص كبير وصغير 😍
الفيديو واضح حفرت الكوسا تالي سويت الحميه لحم عجل مفروم وسط حمسته مع البصل والثوم وفلفل اسود بهار مشكل جميل من بهاراتي .
ملح اخر شي الصنوبر لاحظو الصنوبر حمرته من غير زيت .تالي حشيت الكوسا وقليتها .
اللبن حطيت ربع لتر فقط ملعقه نشا ملح وعالنار لين يثقل .. تالي حطيت الكوسا باللبن وتخلونها تطبخ ربع ساعه فقط . اللي يحبها ذايبه يزيد الوقت لكن الافضل تكون مستويه مو دايبه . 😍😍
واللي يحب يسلق الكوسا يسلقها كيفكم حسب ذوقكم .حطيتلكم كل الحلول علشان اختصر عليكم .
سويت عيش بالشعريه طبعا العيش والشعريه اورجانيك . يعني طبخة اليوم صحية جدا .
الزيت ايضا صحي عضوي .
وهذا الشكل المهائي .
اهم شي اللين مثل الحرير .ما شاء الله تبارك الرحمن .
جربوها الذ اكله بالنسبه لي 😍😍
اسعدوني بتواصلكم الجميل منابعيني 😍
ملاحظه مهمة.
اهم شي بالطبخه ان اللبن ما يتكتل اذا تكتل الطبخة ما تطلع لذيذة .