كروس بلح الشام

انا بصراحة بسميه بلح الشام متكشخ😍😂
يستحق التجربه لذيذ وسهل .

انا مكوناتي بالغرام لكن اكتبها لكم بالملاعق والاكواب.
ثلاث ملاعق زبده +ملعقتين او ثلاث سكر لا تكثرون.
كوب الا ربع ماء.
وعالنار اول غلوة حطيت كوب طحين جميع الاستعمالات.
وعجنتها واهي عالنار طبعا تقصرون عالنار اول ما تحطون الطحين لمدة ثلاث دقائق لين تتجانس.
وبعدها لين بردت كسرت بيضه وخلطتها بعدها البيضه الثانيه رشة فانيليا
وبعدها شكلتها .
وقليتها .النار هادية .

الكاكاو :
حطيت نصف علبة دارك چوكليت
مع كوب حليب مع ملعقتين سكر لين ذاب الكاكاو والسكر
ذوبت ملعقة نشا مع ملعقتين ماي
وحطيتهم هالكاكاو لين ثقل .
وهذي تغميسه او تقدرون تحطون سكر اسمر ترشونهم.
بالنسبه للحجم كيفكم .
بصراحة لذيذ وسهل ومقرمش.❤️

وصفة_بلح_الشام_نادية_كوك
#وصفة_حلا_شوروز_نادية_كوك