مساء ثاني يوم من أيام رمضان المبآرك 🌙
. | كرات الجبن اللذيذه 😋👌🏻 | انتبهو منها حبه تجر حبه من لذاذتها 🙊
*مقادير العجينه : في صحن عميق صغير /
م ص خميره + م ك سكر + ربع كوب ماء دافي .
نخلطهم مع بعض ونخليهم 10 دقايق لين ترتفع الخميره .
وفي صحن ثاني عميق نحط /
كوب ونص طحين ، ربع م ص ملح ،
3 م ك حليب بودره ، ظرف دريم ويب .. في وعاء العجانه نحط :
ملعقتين كبيره قشطه أي نوع قشطة + م ك زيت وبعدين نضيف خليط الخميره ونعجن ونبدأ نضيف ربع كوب حليب طازج دافي أنا احتجت ربع ممكن تحتاجون أكثر على حسب الطحين عندكم . “استخدمت طحين فوم ”
نخليها تتخمر نص ساعه إلى ساعه بعدين نحشيها جبن كيري ونكورها ونصفّها في صحن وندخلها للثلاجه تتماسك على الأقل ساعه عشان لمن نحطها في الزيت تصير كور متماسكه ونقلبها في الزيت باستمرار لين تاخذ لون واحد وبعدين نحط في صحن وسيع مناديل المطبخ ونحط فوقها الكرات عشان يمتص الزيت ونخليها تبرد تماماً وبعدين نجيب كيس ونحط فيه سكر بودره
ونقلّب الكرات فيه .. وبس 🙊
و جعله هني و عآفيه على قلوبكم يآ رب 💋
التنسيق : أخذت السطل و الميني كانفس والمبخره والقاعدة الخشب و أضفت العلبة القزاز مع الوردة و عندي صحن على شكل هلال ذهبي عبيته روشيه اللي قصديره ذهبي من حلويات آني وداني وأعجبني السطل قلت أعبّي فيه الكرات وبس والله 😍
الله يتقبل منا ومنكم صالح الأعمال يا رب ♥️
