كرآت الجبن بالكنآفة

| كرآت الجبن بالكنآفة |
مرررره لذيذه و فخمه الطعم شيء من الآخر أتحدآ
لو قدمتيها مع القهوه ما يحبّونها 😍👌🏻
اليوم سويتها تجربة ناجحه رآح أسويها بإذن الله من ضمن حلويات العيد 🎊 .
.

أول شيء تسوّين العجينة :
في صحن عميق صغير /
م ص خميره + م ك سكر + ربع كوب ماء دافي .
نخلطهم مع بعض ونخليهم 10 دقايق لين ترتفع الخميره .
وفي صحن ثاني عميق نحط /
كوب ونص طحين ، ربع م ص ملح ،
3 م ك حليب بودره ، ملعقتين كبيره قشطه ، م ك زيت وبعدين نضيف خليط الخميره ونعجن ونبدأ نضيف ربع كوب حليب طازج دافي أنا احتجت ربع ممكن تحتاجون أكثر على حسب الطحين عندكم .
نخليها تتخمر نص ساعه إلى ساعه بعدين نحشيها جبن كيري ونكورها وندهنها من كل الجوانب بحليب مكثّف محلى ثم نقلّبها بكنافة مفرومه أخذت كيلو كنافة طازج فرمتها بمحضرة الطعام وأضفت عليها ٢٠٠ جرام زبدة ذايبه وفركتها زين مع الكنافة لمن أقلّب الكرات بالكنافة أحط الكره بنص التغليف النايلون أكون قاصته على شكل مربع بعدين ابرمه على الكره عشان تثبت الكنافة مضبوط وتصير مرتبه ثم أرتبها على صحن وأدخلها بالثلاجه تتماسك أقل شيء ساعه ثم أقليها بزيت غزير ثم أسقيها بالحليب المكثف مع رشة فستق وورد محمدي أو شيرة أو تحطون عليها أي صوصات أنتم تحبّونها .. نوتيلا ، فستق .. الخ . .
.
* ضروري تشوفون الصور والمقاطع كلها عشان توضح لكم الطريقة بالكامل 👌🏻
و عسآها بألف صحّه وعافيه على قلوبكم يارب ♥️