| كب بيتزآ 🍕 pizza cup |
– طريقة العجينة :- كوبين ونص طحين متعدد الاستعمالات + ملعقة كبيره ممسوحه خميره + ملعقة صغيرة بيكنج بودر + 3 ملاعق كبيره حليب بودره + ملعقة كبيره ونص سكر + ربع كوب زيت زيتون + نصف ملعقه صغيره ملح .. تعجن بكوب وربع ماء دآفي شوي شوي زيدي الماء واعجني لين تصير عندك عجينه متماسكه وطريّه إذا صارت ليّنه بزياده زيدي شوي طحين وإذا ما انعجنت مضبوط زيدي شوي ماء العجن بيدّك أو بالعجانة على حسب المتوفّر عندك ، وبعدين اتركيها بمكان دافي .. وإذا مرّت نص ساعه تقريباً اعجنيها مره ثانيه ،
وخليها تقريباً زياده ساعه أو حتى يتضاعف حجمها . .
وبعدين قسّمت العجينة 24 كوره صغيره
أحطها بالنص وأسوي فيها حفره بالنص و أضغط الجوانب
بحيث تاخذ شكل القالب 👍🏻
** حشيتها :
بيستو ريحان + قطعة من جبن الموزريلا + زيتون أخضر محشي + صوص الطماطم + قشقوان مبشور ناعم + شريحة ميني طماطم وإذا عندكم أوراق ريحان ياسلااام 🍃
+ رشة فلفل حار وشوي زيت زيتون و أدخلها لفرن ساخن مشغل من تحت على درجة 200ْ ما تطول عن 25 دقيقة 👌🏻 و عسآها صحّة و عافية على قلوبكم ♥️
– طريقة صوص الطماطم :/
في الخلاط /
نخلط ٤-٥حبات طماط وسط مع ثلاث فصوص وفنجان قهوه زيت زيتون وملح وفلفل حار ( على حسب الرغبه) واوريغانو وبهارات ايطاليه وشوي فلفل اسود ..
بعدين اذا خلطناها نخليه على جنب .،
ونقطع بصل صغير جدا ًونحمسه لين يذبل ثمن نصب الطماط عليه وبعدين نحط عليه صلصه ملعقتين كبار أو ثلاث تقريبا ونخليه يتسبك بعدين نجيب طماطه او طماطتين صغار ونضيفها مع الطماط المطحون هالحركه مره تعطي لذّه 😋 ونضيف فلفل رومي مكعبات على حسب الرغبة وبس نخليه ع النار هاديه لين يثقل الخليط شوي وخلصنا .. .
بيستو الريحآن الايطالي 🍃
” المقآدير /
1 كوب أوراق الريحان
نص كوب جبن بارميزان مبشور
نص كوب صنوبر محمّص
نص م ص ملح
نص م ص فلفل أسود وأحمر ” اختياري”
4 فصوص ثوم
ثلث إلى نص كوب زيت زيتون .
” الطريقة /
نحمّص الصنوبر بدون إضافة أي زيت و بعدين وهو ساخن بالتاوه اضيف عليه شوي زيت زيتون والملح والفلفل الأسود والأحمر وبعدين أدق فصوص الثوم وأضيفهم بعدين كل المكونات أحطهم بمحضرة الطعام وهم ينخلطون أبدأ أضيف زيت الزيتون تدريجياً لين يتكوّن عندي الصوص ..
* أحفظه بعلبة زجاجية بالثلاجه وكل ما أخذتو منه ضيفو شوي ع الوجه زيت عشان يجلس فتره أطول بدون ما يتغير طعمه .
