وصفتنا اليوم كبة البطاطس بالدجاج مره سهله ولذيذه ومناسبه مره لرمضان 😍♥️
المقادير
- ٥- حبات كبيره بطاطس مهروسه
- ١-بصل مفروم
- ٢-فص ثوم مهروس
- ربع كوب كزبره مفرومه
- نص كوب نشاء
- كوب ونص بقسماط
- البهارات للدجاج نحتاج ملعقه صغيره كل من: (كمون وفلفل اسود وكزبره وبابريكا وملح )
- للبطاطس نحتاج نص ملعقه صغيره: (كمون وفلفل اسود وبابريكا وكركم وملح )
- زيت للقلي
- ليمون للتزيين
طريقة التحضير
في طاوه ع النار نحط الزيت والبصل ونقلب الين يذبل ونضيف الثوم ونقلب ونضيف الدجاج ونقلب الين يتغير لونه ويبدأ يستوي نضيف البهارات ونتركه الين يستوي تماماً نضيف الكزبره ونقلب ونطفي النار ونتركها على جنب
تسلق البطاطس بمويا وملح الين تستوي نضيف لها بهارات ونشاء وبقسماط ونعجن وناخذ شويه ونشكلها مثل الكبه ونحشيها دجاج ونقفلها وندخلها الفريزر لمدة نص ساعه وتسخن الزيت يكون مره ساخن ونقلي الكبه بس تاخذ لون ذهبي نطلها ونقدمها ونزين بالليمون والكزبره وبالعافيه
لو بنسوي كميه كبيره لرمضان وحابين نفرزنها نقدر نحطها كلها بصحن كبير ونفرزنها وبعد ما تجمد تماماً نطلعها ونحطها باكياس او مطبقيات ونرجعها الفريزر ونطلع الكميه اللي نحتاجها وقت القلي
