ولعيونكم هذي طريقة كاسآديا الدجاج الخطططيره 😋👌🏻
المقآدير والطريقه :-
١- نقطع صحن صدور دجاج مبرّده مكعبات أحبها تطلع طريّه ونضيف عليها ( ثوم بودره ، بصل بودره ، فلفل أحمر مطحون ( بابريكا ) ، فلفل أسود ، ملح )
٢- نحمّي التآوه ع النار ونخلي النآر عاليه ونضيف فيها شوي زيت وبعدين نضيف الدجاج عشان الدجاج يتماسك بسرعه بدون ماتنزل منه سوائل .
٣- أول مايتغيّر لون الدجاج للأبيض ويتحمّر من الجهتين خفيف نخليه على جمب بنفس التاوه .
٤- نضيف فلفل رومي ملوّن مقطع قطع صغيره ونشوّح على خفيف لين يذبل .
٥- وبعدين نضيف فوق الفلفل بصل مقطع مكعبات صغيره + ثوم مفروم ونشوّح لين يذبل البصل .
٦- نحرّك كل المكونات مع بعض ونضيف طماطم مقطعه مكعبات ونخليه يتسبّك وخلصنا .😍
٧- نجيب خبز تورتيلا أبيض ونحط خليط بين جبن التشيدر والموزريلا ونخلط معهم اوريغانو .
٨- فوق الاجبان نحط حشوة الدجاج بعدين الأجبان مره ثانيه ونثني الخبزه للنصف .
٩- نرش الصآج بزيت ونحمّره الخبز من الجهتين واستمتعو باللذاذه قرمشه على مطمطه على طعم خنفشآري😍
ملاحظه : خبز التورتيلا اللي استخدمته موجوده صورته بنهاية الفيديو ميزته خفيف واذا تحمّر يصير مقرمش 😋👌🏻
جعله صحّه وعآفيه يارب على قلوبكم ♥️
