قوآرب البطآطس المقليه 😍😋👌🏻
فكره حلوه وجميله بالتقديم ولكم حرّية الابتكار في الحشوات فيها 🙊
الطريقه ::
أول شيء نشتغل ع البطاطس :/
١- أول شيء لازم تركّزون ع المقطع عشان تفهمون فكرة البطاطس ( قشرتها وبعدين قطعت شريحه من تحت عشان تصير ثابته بالصحن وشلت شريحه من فوق واحدد بالسكين ثمن أبدأ أحفر بالملعقه وأحاول أخليها مجوفه بدون ما أوصل لتحت ) .
٢- نقلي البطاطس في زيت غزير وننشفه من الزيت ونصفّه بصينية للفرن .
ثاني شيء الحشوه عباره عن :
١- دجاج صدور سلقتها وفتتها بالخلاط .
٢- في التاوه ع النار احمس البصل المفروم مع الفلفل الحار المقطع لقطع صغيره وفص ثوم مهروس .
واحركها لين ياخذ البصل لون ذهبي .
٢- أضيف الدجاج والبهارات والملح والفلفل الاسود والاحمر وشوي كركم وشوي كمون .
٣- أضيف جزر مبشور وأحركه مع الدجاج لين يتمازج .
٤- أضيف شوي كريمة طبخ مع الجبن وأخلطهم مع بعض وأضيف شوي من مرق الدجاج يعطي طعم واللي ماعندها مو شرط تزيد من الكريمه شوي لأني مابي الحشوه تكون ناشفه .
٥- آخر شيء أطفّي النار وأضيف بقدونس مفروم + كزبره مفرومه .
وبعدين نعبّي القوارب ونرش ع الوجه جبن موزريلا استخدمت جبن موزريلا البقرات الثلاث اشتريها قالب وابشرها بالبيت أفضل وبعدين ارش اوريغانو وفلفل حار مطحون وبهارات ايطاليه ع الوجه تذوب مع الجبنه يمممم 😋👌🏻
وانتبهو الجبن الموزريلا يتحمر احلا شيء يذوب بدون تحمير واستمتعو باللذاذه . .
صحه وعافيه على قلوبكم يارب ♥️
ملاحظه :/
تقدرون تخلون البطاطس مسلوق و يناسب معه بالحشوه عصاج لحم مفروم ويكون معه صوص طماطم وباشميل تطلع خطيره برضو إن شاء الله أصلحها في يوم ما👌🏻#وصفات_رمضان_عبير_العميره
