طريقة القشطه :
سهله ولذيذه لو صلحتوها مره رآح تحبونها خآصه مع الحلويات العربيه ( القطآيف ، البسبوسه ، الكنآفه )
تجنننن في الطعم والقوآم أفضل من الجآهزه 👌🏻 .
الطريقه على مرحلتين :-
* المرحله الأولى:
٦ أكواب حليب طازج كامل الدسم ضروري كامل الدسم ونسخنه ع النار لين يوصل درجة الغليان بس بدون مايغلي وبعدين نضيف ربع كوب ( خل طبيعي الأبيض ) ونحرك بالملعقه لين ينفصل عندنا الحليب وبعدين نجيب الصفايه ونصفّيه مضبوط من الماء .
المرحله الثانية:
كوب ونصف حليب طازج كامل الدسم + نصف كوب كريمة خفق + نصف كوب نشآء
نحركهم على نار هاديه بالسلك اليدوي ونستمر في التحريك مانوقف أبد لين يصير القوام مثل قوام المهلبيه وبعدين نضيف القشطه اللي صفيناها في المرحله الأولى ونستمر في التحريك لين يندمج وبعدين نضيف م ص فانيلا بودره + ملعقتين وسط ماء الزهر ( حسب الرغبه ) .
وبعدين نحطها بصحن ونغلفها بنايلون يكون ملامس للسطح عشان ماتتكون القشره وبس 👌🏻
وبالعآفيه يآ رب 💋
#وصفات_رمضان_عبير_العميره
