فيليه السمك بكريمه الخردل

Fillet fish with mustard sauce..

فيليه السمك بكريمه الخردل🐟✨

نبدا اول شي بتتبيله الفيليه : طبعا دهنتها بزيت زيتون من الوجه و القفى و تبلتها ب ملح و فلفل اسود و كمون و بابريكا حاره🌶و ليمون 🍋.

بعدين شويتها في تاوله الشوي تقريبا ١٠ دقايق على كل وجه 🔥

ملاحظه مهمه : لازم تكون التاوه حاااره حاااااره لاخر درجه ، عشان السمك يحافظ على السوائل الي داخله و يبقى طري و نفس الشي مع صدور الدجاج و اللحم🍢.

طريقه كريمه الخردل ✨❤️

اول شي ذوبت نص مكعب زيده مع شويه زيت زيتون

بعدين نضيف عليها ٤ فصوص ثوم مهروسه و ملعقه من حبوب الخردل و ملعقه من حبوب الكمون و ملعقه من الزعتر البري او الاوريجانو

نقلبهم مع بعض بعدين نصب ربع كاسه مويه و نص معكب ماجي و نقلبهم الين ما نص الكميه تتبخر

بعدين نصب كريمه الطبخ تقريباً كاسه و شويه خردل و نصب خليط الدقيق مع المويه ” كاسه مويه نذوب فيها ملعقتين دقيق” و نتركهم ع النار تقريبا ٣ دقايق حتى يثقل الخليط و نطفي النار ❤️..

هل الفيديو لا يعمل؟ إضغط هنا