– للعجين :
خمس كاسات طحين مع رشة ملح ومعلقة صغيرة سكر ونصف معلقة صغيرة باكينغ باودر (اختياري) وثلث كوب زيت نباتي او زيتون حسب رغبتكم استخدمت الزيتون وماء دافي (بحرارة الغرفة) للعجن حتى تتشكل عنا عجينة طرية (اضفت للعجين الزعتر الاخضر ) بنتركها ترتاح ثلث ساعة بعدها بنقطعها لدوائر الحجم حسب مساحة فرد العجين عندك وكل قطعة بحط زيت زيتون ع وجها حتى ما تنشف وبرتبهم بصينية مدهونة زيت وبنتركها ترتاح من ساعة فاكثر وكل ما ارتاحت بتفرد معكم افضل.
– لخليط الزعتر:
استخدمت الزعتر الاخضر بعد ما غسلته عدة مرات وحطيت عليه معلقة كبيرة ملح حتى تنزل كل الماي اللي فيه اضفت عليه نصف كمية البصل الاخضر (ممكن بصل عادي) والنصف الباقي من البصل اضفت عليه سماق وفركته فيه وذبلتو ع الغاز واضفتو ع الزعتر واضفت عليهم ملح ، عصير ليمون، زيت زيتون
- لتطبيق الوصفة :
بوخذ كل كرة من العجين وبفردها كثير منيح ع سطح مدهون زيت زيتون لتصير معنا رقيقة بشكل دائري بحط عليها كمية من الزعتر الاخضر وفوقهم رشة زيت زيتون وبضغط ع العجين بعدها بطويها من الاعلى وبحط كمية بسيطة من الزعتر الاخضر ورشة زيت زيتون وبنطويها من الاسفل وبنكرر نفس الشي زعتر اخضر وزيت زيتون وبنسكرها من الاطراف ليصير شكلها مربع
بنحطها عصينية مدهونة زيت زيتون
⏰ بوخذ كل قطعة من العجين وبفردها ع صينية فيها كمية منيحة من زيت الزيتون ليصير عندي رغيف رقيق بشكل مستطيل (السماكة من اختياركم) بحط ع الوجه سمسم وحبة البركة ورشة زيت زيتون وبدخلها فرن محمى مسبقا حرارة ٢٠٠ وبس تطلع بحط ع الوجع زيت زيتون وبحتفظ فيهم داخل فوطة وبالعافية ع قلبكم
