فطيرة سينابون مع التفاح والكراميل بطبقات متناغمة لكل عشاق السينابون هالوصفة حتسافر فيكم لبعيد ✈️👌
١- للطبقة الاولى بنقشر حبتين تفاح وبتقطعهم لشرائح مثل الواضحة بالفيديو وبنرتبهم بقالب حجم ٨ انش مبطن بورق الزبدة
٢- للطبقة الثانية
بمقلاة بنحط كوب سكر بس يتكرمل ويصير لونه بني بدون تحريك بنضيف معلقتين كبار زبدة وبنسكبهم مباشرة فوق طبقة التفاح
٣- الطبقة الثالثة عجينة السينابون
عجينة السينابون
للعجين :
بنحط معلقتين كبار خميرة بكوب حليب دافي وبنتركوا ع جنب حتى تتفاعل الخميرة
بنخلط المكونات التالية سوا ع الايد او بالعجانة
- اربع اكواب طحين ممكن زيادة حسب نوع الطحين
- ٢ حبة بيض بحرارة الغرفة
- رشة ملح
- ثلث كوب زبدة بحرارة الغرفة
- ربع كوب سكر
تخلط المكونات معا ويضاف في النهاية كوب الحليب مع الخميرة اللي حضرناه بالبداية ☝🏻وتعجن العجين لمدة ٨ دقائق حتى نحصل ع عجينة طرية تغطى وتترك لترتاح ساعة
بعد مرور ساعة بنفردها بحيث تكون مستطيلة الشكل وبدهنها اصبع زبدة بحرارة الغرفة وبنحط الحشوة عبارة عن (سكر بني لو مش متوفر ابيض مع قرفة وكاكاو بودرة) بنخلطهم سوا وبنحطهم ع العجين ، بنقسم العجين لقطع طولية متساوية وبنلف كل رول وبنكمل فيه ع الرول الثاني لتخلص الكمية ويصير عنا سينابون حجم كبير بنحطهم فوق خليط التفاح والكراميل وبنغطي عليهم ربع ساعة ترتاح العجين وبندخلها فرن محمى مسبقا من تحت عحرارة ١٨٠ من ١٥-٢٠ دقيقة مع المراقبة وبعدها بنحمر الوجه بنتركها ترتاح دقيقتين وبنقلبها مباشرة.
